اقل من 6 متستفاد

السلام عليكم الكثير من الشباب يعانون من عدم زياده الوزن من يلعبون حديد او يكلك اني مدا اتقدم ومدتكبر عضلاتي تجي تكله يابه انت تاكل زين ؟ يجاوبك اي والله دا اكل على الغده كومه وبالعشا هم اكل زين بس ريوك ما اتريك ؛ تجي تحسبها تلكه الاخ ديدك حديد يوميه و ياكل وجبتين فقط ويكلك ليش ما اتطور ؛؛
اخوان اللي يلعب حديد ديبذل جهد و يصرف طاقه ميصير يقارن اكله بشخص اعتيادي واكو ملاحظه انه تاكل وجبات صغيره على فترات قريبه احسن من وجبات جبيره و كل خمس او ست ساعات تاكل وجبه لان الجسم يمتص كفايته و الزايد يروح ويه الفضلات هذا الحجي بالوجبه الجبيره اللي تضغط على نقسك بيها في سبيل انه جسمك يستفاد بينما الوجبه الصغيره الصحيه يمتصها الجسم كلها و تستفاد ؛ فلازم لاعب الحديد ياكل ست وجبات باليوم مقسمها فد كل 3 ساعات وجبه ؛ وويه الموضوع خليت كورس تغذيه كاتبه خبير التغذيه الرياضيه اسمه دوبرمان دان ما اعرف شنو جنسيته بالضبط بس الكورس قوي و سهل وممكن ان تتطبقه حته لو كنت طالب او عندك شغل تكدر تاخذ اكلك وياك ؛ و اي شي اني بالخدمه


الفطور : لحم 120 غم
3 بيضات
2 شريحه خبز محمص ( لوف )
بروتين (باودر مكمل غذائي ) مع الحليب


وجبه خفيفه (بين الوجبات)
جبن حلوم 120 غم
فواكه
بروتين (باودر مكمل غذائي) مع الحليب


الغداء : سندويج تونه 170 غم
جبن حلوم 120 غم
سلطه
بروتين(باودر مكمل غذائي) مع الحليب


وجبه خفيفه (بين الوجبات)
سندويج جبنه 60 غم جبنه
بروتين(باودر مكمل غذائي) مع الحليب


العشاء : دجاج 250 غم
بطاطا مشويه
خضراوات مطبوخه
سلطه
بروتين(باودر مكمل غذائي) مع الحليب


وجبه خفيفه (بين الوجبات)
2 بيض مسلوق
فواكه
بروتين (باودر مكمل غذائي ) مع الحليب