قصائد حلوة عن العراق

صح العراق انجرح بس هذا مو مقياس النخل من ينجرح مايشتكي من الفاس
مادام اسمنه علم يعني احنا تاج الراس ينقاس بينا الذهب مو بالذهب ننقاس
علمني جرح الوطن اضرب مثل للناس الخوه مو بالعدد الخوه رفعت راس

بغداد ضحكه شمس بغداد هلهوله
بغداد ليش الدمع صاير الج سوله
بغداد شنو هل الصبر وج خلكج شطوله
بغداد انت الامل بغداد انت الحيل
بغداد لازم يجيلج الصبر مهما يطول لليل

تحيتي...

ـــــــــــــــــــــــــــــــــــــــــــــــــــــــــــــــــــــــــــــ
عراقنا الاحلى

احلى من عراقنا مانلكه
وين ما نروح
شما فرحنه شما حزنه
شما حملنه جروح
طيور طرنه ولفينه
العالم لف
الدنيا كلها ابجفه
وطنه ابجف
افيش ياعراقنا افيش
يل طاريك يرد الروح


ـــــــــــــــــــــــــــــــــــــــــــــــــــــــــــــــــــــــــــــــــــــ

شوکت یرتاح العراق ولشوکت یبق یعانی
شوکت یتحقق حلمنه وننتقل من الامانی
جزعت من گولت قریب وحته مل منهه لسانی
بهل الزمن یتئلم جرحه لومن یخلص زمانی
بعد منگضی ونروح ومن بعدنه جیل ثانی
بیدمن امن العراق سنی شیعی کردی عربی
بیدک انته بیدی انی
بیدامریکه وربهه بید الی ننذبح ویبث التهانی
لیش لعبه صرنه احنه بید هاذه وبید ذاک
وحنه ندری العمر فانی
شویه خل نصحه ونصیح بصوت واحد
لشوکت نبقه نعانی
لشوکت نبقه نعانی


لیش لعبه صرنه احنه بید هاذه وبید ذاک
وحنه ندری العمر فانی
شویه خل نصحه ونصیح بصوت واحد
لشوکت نبقه نعانی
لشوکت نبقه نعانی

ـــــــــــــــــــــــــــــــــــــــــــــــــــــــــــــــــــ

اصبر يا وطن

صح حال الوطن صاير تعس موزين
وصح اهل الرديه انتشروا بگاعه

وصح صاير مزاد وكلها تلعب بيه
وكلمن مر عليه يسيطر وباعه

لاجنه الاصيل يظل اصيل ودوم
يبقى بزينه ما تتغير اطباعه

والتاريخ شاهد عالعراق ايگول
ما مره الخسر والوله اذراعه

فترة من الظلام ولازمن تنزال
يتعدل وطنه وتسهل اوضاعه

اصبر يا وطن گرب فرجنا اليوم
ما يتاخر وهاللاح مطلاعه

وعليكم السلام ورحمة الله وبركاته




ا