منتديات بغداد الحبايب

منتدى منوع يحتوي على الصور والترفيه والالعاب


    قصيدة حلوة

    شاطر
    avatar
    انريكو
    مدير المنتدى  مدير المنتدى

    عدد المساهمات : 800
    تاريخ التسجيل : 12/08/2009
    الموقع : In Baghdad Heart

    قصيدة حلوة

    مُساهمة من طرف انريكو في الجمعة أكتوبر 23, 2009 7:10 am

    محتاجك حلم مرسوم عل نجمات
    وخيوط بذهب عل كمر مكتوبه

    ومحتاجك خلك وسع الارض يفلان
    واشرحله الخواطر ليش متعوبه

    ومحتاجك جرح يتوسط الدلال
    ويحني بنزيفه اجفوف محبوبه

    ومحتاجك فرح بكلوب الحديثات
    لو كعدن سوه بنيشان مخطوبه

    ومحتاجك جدم ماتوسعه الصدمات
    ومن تثكل بلوته ايعاند دروبه

    ومحتاجك عمر مايمر بيه الموت
    مو عمري الكضه وساعات محسوبه

    ومحتاجك دمع يبجي عله روحي وياي
    من يصفن دليلي ويذكر ذنوبه

    ومحتاجك صبر بس مو صبر ايوب
    لان كبلك لبسته وماستر ثوبه

    ومحتاجك حضن روحي التلفلف بيك
    لو فزت غفل باليل مرعوبه

    مهدول الجتف وجدامي مشلولات
    والغيره انتهت والناس مجلوبه

    واني بوسط سحرك جتفاني الضيم
    واسنين العذابك جنهه مطلوبه

    ياهو اليفك حزني واني بلياك
    دنيه من القهر وبيوت مكلوبه

    ياول عشك محتار كلبي وياك
    ويدي اشما تغلبك ترد مغلوبه

    علمني الهجر بلكت اصد ونساك
    واحلف مااجيك ومنك التوبه

    اني لميت البخت من رد اشور بيك
    شو ردت عليه الشاره والحوبه

    وسودني العشك من ردت اكلك روح
    شور بالدليل ولعب بيه طوبه



    avatar
    مجنونة تامر حسني
    مشرفة منتدى همسات الحب والخواطر
    مشرفة منتدى همسات الحب والخواطر

    عدد المساهمات : 751
    تاريخ التسجيل : 14/09/2009
    الموقع : بغداد

    رد: قصيدة حلوة

    مُساهمة من طرف مجنونة تامر حسني في الأحد أكتوبر 25, 2009 3:31 pm

    شكرا
    avatar
    انريكو
    مدير المنتدى  مدير المنتدى

    عدد المساهمات : 800
    تاريخ التسجيل : 12/08/2009
    الموقع : In Baghdad Heart

    رد: قصيدة حلوة

    مُساهمة من طرف انريكو في الإثنين أكتوبر 26, 2009 1:47 pm

    العفووووووووو




    almagro7
    عضو جديد
    عضو جديد

    عدد المساهمات : 9
    تاريخ التسجيل : 13/10/2010

    رد: قصيدة حلوة

    مُساهمة من طرف almagro7 في الأربعاء أكتوبر 13, 2010 9:17 am

    شكرا حب ع القصيدة

    medo
    عضو جديد
    عضو جديد

    عدد المساهمات : 6
    تاريخ التسجيل : 13/10/2010

    رد: قصيدة حلوة

    مُساهمة من طرف medo في الأربعاء أكتوبر 13, 2010 2:54 pm

    شكرا انريكو قصيده كلش حلوه

      الوقت/التاريخ الآن هو الخميس ديسمبر 13, 2018 11:47 pm